Mánadagin 2. mars 2026 á Hotel Føroyum – fyri leiðarar og starvsfólk

Hvat ger arbeiðslívið meiningsfult? Hví kenna so nógv seg strongd og troytt, hóast vit liva í einum nútíðarheimi, sum krevur kreativitet, effektivitet og støðuga menning?

Kom og hoyr kenda professaran og høvundin Svend Brinkmann, tá hann vitjar Føroyar og undirvísur við einum inniligum og innihaldsríkum fyrilestri um arbeiðslívið, sum tað er – og sum tað kundi verið: “Tað skal vera pláss til bæði tey, sum vilja broyta heimin – og tey, sum duga at halda honum uppi.” Hetta er ein gyltur møguleiki at síggja arbeiðslívið úr einum nýggjum sjónarhorni – har menniskjalig virði ikki bara javnviga trýst og effektivitet, men eisini eru lykilin til eina varandi og haldføra framgongd á tínum arbeiðsplássi.

Brinkmann setur sjóneykuna á týdningin av at skapa arbeiðspláss, sum rúma ymiskleika og menniskjaligum førleikum, heldur enn einans at krevja støðugan fleksibilitet og effektivisering. Hann spyr:
Hvussu kunnu vit skapa eitt arbeiðslív, sum gevur meining – fyri fleiri?

Skráin fyri dagin

📍 Hotel Føroyar
🕓

• 07:45 – 08:30: Morgunmatur og innskriving
• 08:30 – 10:00: Fyrilestur við Svend Brinkmann
• 10:00 – 10:20: Steðgur
• 10:20 – 12:00: Framhald av fyrilestri
• 12:00: Takk fyri hesuferð

Um Svend Brinkmann

Svend Brinkmann er professari í sálarfrøði á Aalborg Universiteti og ein av mest týðandi røddunum í norðurlendska mentanarkjakinum. Hann er kendur fyri síni skarpu og viðkomandi sjónarmið um arbeiðslív, sorg, diagnosur og menniskjanslig virði. Hann hevur m.a. fingið Rosenkjærprísin hjá DR og verið nevndur Årets meningsdanner í Danmark.

 

 

🎯 Prísir & Bólkaavsláttur

• Vanligur prísur: 1.895 kr.
• Bólkaavsláttur (minst tvey): 1.595 kr. pr. persón

📩 Keyp atgongumerki við at skriva til salarfrodi@salarfrodi.fo